Mingəçevir Bələdiyyəsi Vətən Müharibəsi iştirakçısı Abdullayev Abdulla ilə görüş keçirib

44 günlük Vətən Müharibəsində mingəçevirli gənclər də yaxından iştirak etmişlər. Müharibədə iştirak edən  gənclərimizdən 51 nəfəri şəhid olmuş, onlarla gəncimiz qazi kimi geri dönmüşdür. 

Mingəçevir Bələdiyyəsi müharibə dövründə döyüşçülərimizə maddi və mənəvi dəstək olmuş, şəhidlərin dəfn mərasimlərinin təşkilində fəallıq göstərmişdir. Bu yaxınlarda   Bələdiyyənin nümayəndələri I qrup əlil qazimiz Abdulla Abdullayevin  yaşadığı mənzildə olmuş, onunla və valideynləri ilə səmimi söhbətlər aparmışlar.

Görüşün nəticəsi olaraq 1-ci qrup Qarabağ Müharibəsi əlili Abdullayev Abdulla Süleyman oğlunu   Mingəçevir Bələdiyyəsi 04 iyun 2021-ci il tarixli, №12/5 qərara əsasən himayəyə götürmüşdür və ona hər ay 200 manat maddi yardım veriləcəkdir.