Mingəçevir-75

Mingəçevirin şəhər statusu almasının 75 illiyi münasibəti ilə noyabr ayının 10-da şəhər İcra Hakimiyyətinin tədbirlər planına müvafiq olaraq şəhərin müxtəlif ərazilərində həyata keçirilən abadlıq-quruculuq işlərinə baxış keçirilib. Mingəçevir Bələdiyyəsi də şəhərimizin yubileyi ilə əlaqədar olaraq tədbirlər planı hazırlayıb. Şəhər gününə həsr olunmuş yekun tədbirin keçirilməsi nəzərdə tutulan Sahil parkında bələdiyyə abadlaşdırma işləri aparıb. Parkın ərazisində sıradan çıxmış aqlay daşları, plitələr və bordürlər yenisi ilə əvəz edilib, müxtəlif dizaynla 1000 ədəd rəngbərəng güllər əkilib, təmizlik işləri görülüb.
Eyni zamanda, şəhərin Təbriz küçəsindəki 21 və 23 saylı binaların arxasındakı ərazidə bələdiyyə tərəfindən park salınıb. Parka mikrodaş tavalar (plitələr), yan daşlar (bordürlər) döşənib, 11 ədəd oturacaq, 2 ədəd söhbətgah qoyulub, dekorativ ağac əkilib, ətrafda səliqə-sahman yaradılıb.
Şəhər günü ərəfəsində park sakinlərin istifadəsinə verilib.