Mingəçevir Bələdiyyəsində Zəfər Bayramı qeyd olundu
Bu gün Mingəçevir Bələdiyyəsində 8 Noyabr – Zəfər Günü münasibətilə tədbir keçirildi.
Tədbirdə bələdiyyə sədri Anar İsmayılov və Şəhid Ailələrini Müdafiə Cəmiyyətinin sədri, bələdiyyə qulluqçusu İranə Həsənova iştirakçıları bayram münasibətilə təbrik edərək, xalqımızı bu möhtəşəm qələbəyə aparan yoldan bəhs etdilər.
Daha sonra Qarabağ müharibəsində iştirak etmiş bələdiyyə qulluqçuları Elcan Cəfərov və Eldar Abdurəhmanov bələdiyyə həmkarlar təşkilatı tərəfindən pul mükafatı ilə təltif olundular.
Zəfər Gününün şərəfinə tort kəsildi, tədbir çay süfrəsi ətrafında səmimi söhbətlərlə davam etdi.
Eşq olsun Azərbaycan Ordusuna!
